Մեքսիկայի միայն Իդալգո նահանգում ավերիչ երկրաշարժից հետո 12 դպրոց կքանդվի ու նորից կկառուցվի

11:23 • 29.09.17

Մեքսիկայի Իդալգո նահանգում ամբողջությամբ կքանդվի ու նորից կկառուցվի 12 դպրոց։ Այս կրթական հաստատությունները տուժել էին վերջերս տեղի ունեցած ավերիչ երկրաշարժից, հայտնել է նահանգի հանրային կրթության նախարար Սայոնարա Վարգասը, գրում է РИА Новости գործակալությունը:

Առայժմ աշակերտներն իրենց դասերն անցկացնում են ժամանակավոր շինություններում, եկեղեցիների կամ այլ տրամադրած տարածքներում կամ վարձակալած հաստատություններում:

Բացի 12 դպրոցից՝ Իդալգոյում ստորգետնյա ցնցումներից տուժած 370 կրթական հաստատություն կարիք ունի վերանորոգման:

Նշենք, որ Մեքսիկայում սեպտեմբերի 19-ին տեղի ունեցած հզոր երկրաշարժի հետևանքով զոհերի թիվը հասել է 344-ի: 7.1 մագնիտուդ ուժգնությամբ ստորգետնյա ցնցումների հետևանքով հարյուրավոր շենքեր են փլուզվել, միլիոնավոր մարդիկ մնացել են առանց էլեկտրականության: