Դեն Բիլզերյանը խնդրել է ոստիկանին զենք տալ իրեն Լաս Վեգասի հրաձիգին սպանելու համար (տեսանյութ)

16:46 • 06.10.17

Համացանցում նոր տեսանյութ է հայտնվել, որում Instagram սոցցանցի հայազգի աստղ Դեն Բիլզերյանը վերադառնում է Լաս Վեգասի հրաձգության վայր և ոստիկանին խնդրում զենք տալ իրեն, հայտնում է The Daily Mail-ը:


Բացօթյա երաժշտական փառատոնին ներկա գտնված Դեն Բիլզերյանի հասցեին քննադատության ալիք էր հնչել, երբ կիրակի օրը տեղի ունեցած հարձակումից անմիջապես հետո հրապարակված տեսանյութում նա փախել էր կրակոցներից:


Վերջին տեսանյութը, սակայն, ցույց է տալիս, որ նա այնուհետև վերադառնում է դեպքի վայր և խնդրում ոստիկանին զենք տալ իրեն հրաձիգ Ստեֆեն Փեդոքի վրա կրակելու համար:


Նոր տեսանյութում Բիլզերյանը ոստիկանին ցույց է տալիս իր զենք կրելու վկայականը, բայց ոստիկանը նրան կոչ է անում հեռանալ հնչող կրակոցների ֆոնին:


«Հեռացի՛ր ինձանից հենց հիմա, ես չգիտեմ՝ դու ով ես»,- ասում է ոստիկանը։


Հայտնի է, որ Ստեֆեն Փեդոքը կրակ է բացել բացօթյա երաժշտական փառատոնի հանդիսատեսի վրա Mandalay Bay հյուրանոց-խաղատան 32-րդ հարկից՝ սպանելով 59 և վիրավորելով ավելի քան 500 մարդու: Դա ԱՄՆ ժամանակակից պատմության մեջ ամենաշատ զոհի պատճառ դարձած զանգվածային սպանությունն է: Ոստիկանությունը դեռ չի պարզել հարձակման շարժառիթը: 

 

Bilzerian's latest clip shows him coming back to the scene and begging a police officer for a weapon so he can shoot back at gunman Stephen Paddock, 64

The social media personality shows the officer his gun licence, but he tells him to go away as bursts of automatic gunfire go off in the distance

The policeman, who is crouching behind a barrier, shouts: 'No, get the f*** away from me right now, I don't know who the f*** you are'

Bursts of automatic gunfire are heard in the distance as Bilzerian asks the policeman for a gun