Խաչփար գյուղում վրաերթի ենթարկված տղամարդը վերակենդանացման բաժանմունքում գիտակցության չգալով մահացել է

11:19 • 06.10.17

Խաչփար գյուղում սեպտեմբերի 11-ին վրաերթի ենթարկված տղամարդը վերակենդանացման բաժանմունքում գիտակցության չգալով մահացել է։

Այս մասին հայտնում են ՀՀ ոստիկանությունից։

Ոստիկանությունից հիշեցնում են, որ սեպտեմբերի 11-ին՝ ժամը 10.40-ին, ոստիկանության Մասիսի բաժնում հաղորդում էր ստացվել այն մասին, որ «Ֆոլքսվագեն Վենտո» մակնիշի ավտոմեքենայի վարորդ, 1955 թ. ծնված Լևիկ Բ.-ն Խաչփար գյուղի կենտրոնական փողոցում՝ 13-րդ փողոցի դիմաց, վրաերթի է ենթարկել 1961 թ. ծնված Մուշեղ Մանուկյանին, որը մարմնական վնասվածքներով տեղափոխվել էր հիվանդանոց:

Հոկտեմբերի 5-ին՝ ժամը 15.00-ին, Մուշեղ Մանուկյանը հիվանդանոցի վերակենդանացման բաժանմունքում մահացել է: Կատարվում է նախաքննություն: