Ավելի քան 12 հազար մարդ է տարհանվել Ֆիլիպիններում հրաբխի ժայթքման վտանգի պատճառով (լուսանկարներ, տեսանյութ)
Ավելի քան 12 հազար մարդ է տարհանվել Ֆիլիպիններում Մայոն հրաբխի ժայթքման վտանգի պատճառով, հայտնում է «ՌԻԱ Նովոստի»-ն՝ վկայակոչելով տեղական լրատվամիջոցներին:
Ավելի վաղ հաղորդվել է 5,8 հազար մարդու տարհանման մասին: Տարհանման մասին որոշումը կայացվել է, երբ հրաբուխը շաբաթ մոխրի սյուն է արտանետել:
Ընդհանուր առմամբ, 3.061 ընտանիքների տարհանումն իրականացվել է Կամալիգ, Գվինոբատան և Մալիլիպոտ քաղաքներում: Հարկադիր տարհանում է իրականացվում նաև Լեգապսի և Դարագա քաղաքներում լավայի ժայթքման մասին հաղորդագրություններից հետո: Բնակչության տարհանմանը ներգրավված են ոստիկանությունը և զինվորականները:
Երկուշաբթի հրաբխի վրա գրանցվել են հրաբխային գմբեթի փլուզումներ:
Ֆիլիպինների հրաբխագիտության և սեյսմոլոգիայի ինստիտուտի ներկայացուցիչները հայտարարել են, որ լավայի դուրս ժայթքելու պատճառով Կամալիգ և Պոլանգի քաղաքները երկուշաբթի ծածկվել են մոխրի շերտով:














