Վիետնամում ահռելի կոբրան խցանում է առաջացրել ճանապարհին (տեսանյութ)
Վիետնամական Ֆուհտո նահանգում ահռելի կոբրան փակել է մեքենաների համար նախատեսված ճանապարհը: Համապատասխան տեսանյութը հրապարակվել է յութուբյան ViralHog ալիքում:
Տեսանյութում երևում է, որ մի քանի մեքենա կանգ են առել ու չեն կարողանում օձի պատճառով առաջ շարժվել:
Սկզբում վարորդները փորձել են տեղաշարժել սողունին՝ քաշելով դրա պոչից: Հետո մի քանի տղամարդ փայտե ձողերով աստիճանաբար սկսել են կոբրային տեղափոխել:
Ի վերջո, նրանք ձեռքերով բռնել են օձին ու հանել ճանապարհից:










