Ֆիլիպիններում հրաբուխ է ժայթքել (լուսանկարներ, տեսանյութ)
Ֆիլիպիններում երեքշաբթի՝ հունվարի 23-ին, ժայթքել է վերջերս արթնացած Մայոն հրաբուխը, հայտնում է Associated Press-ը:
Խառնարանից լավան դուրս է ժայթքել մինչև 700 մետր բարձրության վրա, իսկ մոխրի սյունը հասել է մինչև 3 կիլոմետրի:
Սեյսմոլոգների կողմից վերջին օրերին գրանցված բոլոր ցնցումներից սա ամենաուժեղն է եղել: Տեղի իշխանությունները վտանգի մակարդակը հնարավոր հինգ բալից բարձրացրել են չորրորդի: Տարհանման գոտին հրաբխի շուրջ ընդլայնվել է մինչև 8 կիլոմետր՝ անդրադառնալով հազարավոր մարդկանց վրա:
Հրաբխի ժայթքման հետևանքով վիրավորների մասին տեղեկություններ դեռ չկան:
Մայոն հրաբուխը գտնվում է Ֆիլիպինների մայրաքաղաք Մանիլայից 340 կիլոմետր հեռավորության վրա՝ Ալբայ նահանգում:
PANOORIN: Bulkang Mayon, muling nagbuga ng makapal na usok at abo, Martes ng umaga | Kuha ni Mike Mabugnon, @philredcross pic.twitter.com/Il4ozhl71F
— ABS-CBN News (@ABSCBNNews) January 23, 2018










