Պուտինը ձգտում է վերականգնել Ռուսաստանի հզորությունը. ԿՀՎ ղեկավար
ԱՄՆ-ն կարծում է, որ ՌԴ նախագահ Վլադիմիր Պուտինը ձգտում է վերականգնել Ռուսաստանի հզորությունը: Այդ մասին հայտարարել է ԱՄՆ Կենտրոնական հետախուզական վարչության ղեկավար Մայք Պոմպեոն, հայտնում է «ՌԻԱ Նովոստի»-ն:
«Վլադիմիր Պուտինի մտադրությունների վերաբերյալ մեր գնահատականը չի փոխվել: Նա շարունակում է կարծել, որ XX-րդ դարի ամենամեծ դժբախտությունը Խորհրդային Միության փլուզումն էր»,- ասել է Պոմպեոն:
Ըստ նրա՝ Պուտինը մտադիր է վերադարձնել ԽՍՀՄ-ի երբեմնի հզորությունը:
«Այդ մտքերով է նա ամեն օր արթնանում, իսկ նրա երկրորդ միտքը վերընտրվելն է»,- ասել է Պոմպեոն՝ ելույթ ունենալով Վաշինգտոնում:










