Այսօր առաջվա բանակը չէ, այսօր մենք լիարժեք պատրաստ ենք բոլոր տեսակի մարտահրավերներին. Կորյուն Ղումաշյան

18:09 • 28.01.18

«Տիգրան Մեծ» ջոկատի հրամանատար Կորյուն Ղումաշյանն այսօր, Եռաբլուր պանթեոնում լրագրողների հետ զրույցում շնորհավորելով բանակի տոնը, նշեց, որ փառք ու պատիվ բոլոր մեր տղաներին, ովքեր հանուն մեր պետության իրենց կյանքը չխնայեցին: 

«Այսօր առաջվա բանակը չէ, այսօր մենք լիարժեք պատրաստ ենք բոլոր տեսակի մարտահրավերների, ես համոզված եմ ասում դա»,-ասաց նա։

Նա նշեց, որ ժամանակակից տեխնոլոգիաներով սպառազինումը քայլ առ քայլ իրականություն է դառնում և նշեց, որ Ադրբեջանի վերջին դիվերսիոն փորձը մերոնք հեշտությամբ կանխեցին:

Անդրադառնալով Հայաստանի ռազմավարական դաշնակից Ռուսաստանի կողմից Ադրբեջանին զենք վաճառելու խնդրին՝ նա նշեց, որ նոր մատակարարվող խմբաքանակը բավականի լուրջ զենք է, և դա ռազմավարական դաշնակցի քայլ չէ:

«Մենք պետք է զգոն լինենք, չհավատանք ոչ մեկին: Այսօր մեր դաշնակիցը մենք ենք ու մեր զինվորը, ուրիշ դաշնակից գտնել չենք կարող: Ես չեմ հավատում ոչ մի դաշնակից երկրի: Մենք մեր երկիրը շրջափակված է ընդհանրապես թշնամիներով, բոլոր հարևանները ինձ համար թշնամիներ են, բոլորը իրենց խաղերը տալիս են իրենց շահերից ելնելով. Հայաստանի շահը ոչ մեկին հետաքրքիր չէ, մեր շահի մասին միայն մենք պիտի մտածենք»,-ասաց նա: