Ֆիդել Կաստրոյի որդին ինքնասպան է եղել

09:32 • 02.02.18

Կուբայի նախկին առաջնորդ Ֆիդել Կաստրոյի ավագ որդին՝ գիտությունների դոկտոր Ֆիդել Անխել Կաստրո Դիաս Բալարտը, փետրվարի 1-ի առավոտյան ինքնասպան է եղել:

Ինչպես հայտնում է lenta.ru-ն՝ տեղի լրատվամիջոցներին հղումով, դեպքը տեղի է ունեցել Կուբայում:

Հայտնի է, որ Անխել Կաստրոն մի քանի ամիս բուժվել է խոր դեպրեսիայից: Սկզբում նա բուժվում էր հոսպիտալում, հետո ամբուլատոր բուժում է ստացել:

Նշվում է, որ 68-ամյա Անխել Կաստրոն Կուբայի պետխորհրդի գիտական հարցերով խորհրդականն էր, զբաղվում էր նորարարությունների թեմայով, ինչպես նաև զբաղեցնում էր Կուբայի գիտությունների ակադեմիայի փոխնախագահի պաշտոնը:

Հատկանշական է, որ Կաստրոյի որդին կատարած գիտական աշխատանքների շնորհիվ ճանաչում է ստացել միջազգային գիտական հանրության շրջանակում:

Աղբյուրը մանրամասնում է, որ ինքնասպանություն գործելուց առաջ նա գրություն է թողել, սակայն դրա բովանդակությունը չի հրապարակվել:

 

Картинки по запросу fidel castro's eldest son