Հռոմի պապը Վատիկանում ընդունել է Էրդողանին (տեսանյութ)

14:13 • 05.02.18

Վատիկանում հանդիպել են Թուրքիայի նախագահ Ռեջեփ Թայիփ Էրդողանն ու Հռոմի պապ Ֆրանցիսկոս Առաջինը, տեղեկացնում է թուրքական «Անադոլու» գործակալությունը:

Նշվում է, որ հանդիպումն անցկացվել է դռնփակ՝ առանց լրագրողների ներկայության:

Էրդողանը մինչ հանդիպումը լրագրողների հետ զրույցի ժամանակ հայտնել է, որ այս այցը գնահատում է որպես աշխարհին բարեկամության ու խաղաղության ուղերձներ հղելու կարևոր առիթ:

Ավելի վաղ լրատվամիջոցները գրել էին, որ Թուրքիայի նախագահ Ռեջեփ Թայիփ Էրդողանը Վատիկանում Հռոմի պապի հետ փետրվարի 5-ին կայանալիք հանդիպումը կարող է օգտագործել Հայաստանի հետ հարաբերությունները նորմալացնելու համար։ Այս կարծիքն էր, մասնավորապես, հայտնել Regnum լրատվական գործակալության եկեղեցա-քաղաքական նյութերի գլխավոր խմբագիր Ստանիսլավ Ստրեմիդլովսկին:

Հիշեցնենք, որ սա Թուրքիայի նախագահի մակարդակով առաջին նման այցն է Վատիկան 59 տարվա դադարից հետո: Իսկ Հռոմի պապը Թուրքիա էր այցելել 2014 թվականին: