Ճապոնական ծովում անհետացած «Վոստոկ» նավի անձնակազմի անդամների ընտանիքները 1-ական միլիոն ռուբլի կստանան
Ճապոնական ծովում կորած «Վոստոկ» նավի անձնակազմի անդամների ընտանիքները մեկական միլիոն ռուբլի կստանան իշխանություններից: Այդ մասին հայտնում է «ՌԻԱ Նովոստի»-ն՝ վկայակոչելով Սախալինի կառավարությանը:
Նշենք, որ «Վոստոկ» ձկնորսական նավը դադարել է կապի դուրս գալ հունվարի 25-ի առավոտյան Պրիմորյեում: Հեռավոր արևելյան տրանսպորտային դատախազության և նավի սեփականատիրոջ տվյալներով՝ նավում եղել է 20 մարդ:
Որոնումների վայրում հայտնաբերվել են երկու փրկարարական բաճկոն և այլ իրեր, մարդկանց մարմինները չեն հայտնաբերվել:
Հարուցվել է քրեական գործ:
Նշվում է, որ վճարումներ կստանան Սախալինից 13 կորած նավաստիների ընտանիքները:
Պրիմորյեի վարչությունը հայտնել է, որ 1 միլիոն ռուբլի կվճարի Պրիմորյեից կորած նավաստու ընտանիքին:










