Սիրիացի քրդերը հաստատել են կառավարական զորքերի մուտքը Աֆրին
Սիրիացի քրդերի ներկայացուցիչը հայտարարել է, որ իրենք համաձայնության են եկել Սիրիայի կառավարության հետ կառավարական զորքերն Աֆրին նահանգ մտցնելու վերաբերյալ:
Ինչպես հայտնում է Reuters գործակալությունը, քրդական զորամիավորման ներկայացուցչի խոսքով՝ զորքերը պետք է Աֆրին մտնեն երկու օրվա ընթացքում՝ «թուրքական սպառնալիքին դիմագրավելու համար:
Հիշեցնենք, որ ավելի վաղ հաղորդվում էր, որ քրդերը պայմանավորվել են Սիրիայի կառավարության հետ Աֆրինում կառավարական բանակի գործողությունների շուրջ:
Նախօրեին քրդերը թուրքական բանակին մեղադրել էին Աֆրինում թունավոր գազ կիրառելու մեջ:










