Իրաքյան ավիաընկերության օդաչուները կռվել են թռիչքի ժամանակ

16:17 • 26.07.18

Իրաքյան Iraqi Airways ավիաընկերության երկու օդաչու ժամանակավորապես հեռացվել է աշխատանքից՝ թռիչքի ժամանակ օդաչուների խցիկում կռվելու համար: Այս մասին հայտնում է Al Sumaria հեռուստաալիքը՝ հղում անելով ավիաընկերության հայտարարությանը:

Նշվում է, որ միջադեպը քննում է երկրի տրանսպորտի նախարարությունը:

Հեռուստաալիքի տվյալների համաձայն՝ միջադեպը տեղի է ունեցել մի քանի օր առաջ՝ ավելի քան 11 կմ բարձրության վրա: Ինքնաթիռում 150 ուղևոր է եղել:

Օդաչուներին բաժանել է անվտանգության ծառայությունը, իսկ կռվի ընթացքում օդաչուների խցիկը «մասամբ վնասվել է»: Օդաչուների կոնֆլիկտի պատճառը չի նշվում:

Iraqi Airways-ի ներկայացուցիչները նշել են, որ հետաքննության արդյունքների հիման վրա խիստ պատժամիջոցներ կսահմանվեն օդաչուների նկատմամբ՝ ընդհուպ ցմահ աշխատանքից հեռացում: