Պեկինում ԱՄՆ դեսպանատան մոտ պայթյուն է որոտացել (լուսանկարներ)
Պեկինում Միացյալ Նահանգների դեսպանատան մոտ պայթյուն է որոտացել, ականատեսների խոսքով՝ դեպքի վայրում այժմ ծուխ է բարձրանում:
Ինչպես հայտնում է The Guardian-ը, չինական սոցկայքերում, ինչպես նաև Twitter-ում հրապարակված տեսանյութերում երևում է, որ դեսպանատան շենքի մոտ հավաքվել են ոստիկաններ ու պատահական անցորդներ: Բացի այդ, երևում է բարձրացող ծուխը:
Ոստիկանությունը հրաժարվել է մեկնաբանել միջադեպը, նույնկերպ է վարվել նաև ԱՄՆ դեսպանատունը:
Սակայն ականատեսների պատմելով՝ առավոտյան մի կին իր վրա բենզին էր լցրել ու վազում էր ԱՄՆ դեսպանատան շենքի դիմաց: Այնուհանդերձ, հայտնի չէ, թե արդյոք դա որևէ առնչություն ունի պայթյունի հետ:














