Կալիֆոռնիայում անտառային հրդեհների հետևանքով 12 հազար բնակիչ է տարհանվել (տեսանյութ)

16:06 • 26.07.18

ԱՄՆ Կալիֆոռնիա նահանգի հարավում բնական հրդեհը տարածվել է Լոս Անջելեսից արևելք գտնվող Այդիլուայլդ քաղաքի վրա, ինչի հետևանքով տարհանվել է 12 հազար բնակիչ: Այդ մասին հայտնում է տեղական 8 News NOW հեռուստաալիքը:

Ինչպես հայտնում է հեռուստաալիքը, մի քանի տներ հայտնվել են կրակի ճիրաններում:

Սան Բեռնարդինո ազգային արգելոցի ծառայողների տվյալներով՝ հրդեհն արդեն տարածվել է ավելի քան 12 քառակուսի կիլոմետրի վրա: Twitter-ում ազգային զբոսայգու էջը հայտարարել է տեղի բնակիչների համար «անհապաղ տարհանման» մասին:

Ինչպես հայտնում է ԱՄՆ միջգերատեսչական հրշեջ կենտրոնը, երկրում բռնկվել է ավելի քան 60 անտառային հրդեհ՝ 13 նահանգներում, հրդեհների մեծ մասը գրանցվել են երկրի արևմուտքում և Ալյասկա նահանգում: