Սպասվում է Ռոբերտ Քոչարյանի կալանավորման հարցով դատական նիստը
Երևան քաղաքի ընդհանուր իրավասության դատարանի Շենգավիթի նստավայրում այսօր սպասվում է ՀՀ երկրորդ նախագահ Ռոբերտ Քոչարյանի կալանավման հարցով դատական նիստը, որը երեկ հետաձգվել էր։
«Արմենպրես»-ի փոխանցմամբ՝ դատական նիստը նախատեսված է հուլիսի 27-ին՝ ժամը 11:00-ին:
Ռոբերտ Քոչարյանի փաստաբան Ռուբեն Սահակյանը նշեց, որ մինչև հաջորդ դատական նիստը պետք է 3-րդ նախագահը պատշաճ ծանուցվի նիստի մասին:
«Ռոբերտ Քոչարյանը չի խուսափի պատասխանատվությունից: Նա նիստին կներկայանա ու կապացուցի դա: Եթե խուսափելու լիներ, ապա Հայաստան չէր վերադառնա»,- նշեց Սահակյանը:
Հիշեցնենք, որ ՀՀ երկրորդ նախագահը երեկ «Երկիր Մեդիա» հեռուստաընկերությանը հարցազրույց էր տվել՝ իրեն առաջադրված մեղադրանքները որակելով որպես շինծու, հորինված, քաղաքական ենթատեքստ ունեցող։










