Պուտինն ասել է՝ որն է Թրամփի մեծ առավելությունը

17:29 • 27.07.18

Ռուսաստանի Դաշնության նախագահ Վլադիմիր Պուտինը BRICS անդամ պետությունների (Բրազիլիա, Ռուսաստան, Հնդկաստան, Չինաստան, ՀԱՀ) գագաթնաժողովից հետո կայացած մամուլի ասուլիսի ժամանակ ասել է՝ որն է համարում իր ամերիկացի պաշտոնակից Դոնալդ Թրամփի մեծ առավելությունը:

Պուտինի խոսքով՝ դա տված խոստումները կատարելու մեծ ձգտումն է, գրում է Russia Today-ը:

«Նախագահ Թրամփի մեծ առավելությունն այն է, որ նա ձգտում է իրագործել իր տված խոստումները, և նախևառաջ այն խոստումները, որոնք տվել էր իր ընտրողներին՝ ամերիկացի ժողովրդին»,-ասել է ՌԴ ղեկավարը:

Բացի այդ, Պուտինը խոսել է Թրամփի հետ հանդիպումների մասին՝ ընդգծելով, որ դրանք օգտակար են:


«Ինչ վերաբերում է մեր հանդիպումներին, ապա կարծում եմ՝ դրանք օգտակար են: Ես արդեն ասել եմ ու կարող եմ նորից կրկնել՝ մենք Հելսինկիում խոսել ենք մեր պետություններին ամենաշատը հետաքրքրող հարցերի մասին»,-ասել է Պուտինը: