Սոչիում բնակելի տան հրդեհի հետևանքով 8 մարդ է զոհվել

10:24 • 30.07.18

Սոչիում բնակելի տանը բռնկված հրդեհի հետևանքով զոհվել է 8 մարդ, հաղորդում է РИА Новости գործակալությունը։ Հայտնի է, որ միջադեպը գրանցվել է Սոչիի Ադլեր շրջանում։

Եվս 3 մարդ ստացել է տարբեր աստիճանի վնասվածքներ, տուժածների թվում է մեկ երեխա, բոլորը հոսպիտալացված են։

Նշվում է, որ հրդեհն արդեն հաջողվել է մարել: Աղբյուրը մանրամասնում է, որ 300 ք/մ-ով տարածված հրդեհի մարման աշխատանքներում ներգրավված է եղել 60 հրշեջ-փրկարար ու 19 միավոր տեխնիկա։

Այլ մանրամասներ չեն հաղորդվում։