ԱՄՆ-ում երկհարկանի ավտոկայանատեղի է փլուզվել, տասնյակ մեքենաներ ջարդոնի են վերածվել (տեսանյութ)

13:26 • 02.08.18

Ամերիկյան Դալաս քաղաքում երկհարկանի ավտոկայանատեղի է փլուզվել։ Ավելի քան 20 մեքենա ընկել է ու մետաղական ջարդոնի վերածվել, հայտնում է SBS News-ը։


Զոհեր ու տուժածներ չկան։ Հաղորդվում է, որ սկզբում փլուզվել է ավտոկայանատեղիի հատվածներից մեկը, մի քանի րոպե անց՝ նաև մյուսը։


Դեպքի վայր են ժամանել փրկարարները։ Առաջին փլուզումից հետո ջարդուխուրդ է եղել 21 ավտոմեքենա։ Ենթադրվում է, որ երկրորդ հատվածի փլատակների տակ գտնվում է մոտ 2 տասնյակ մեքենա։ 


Մասնագետները պարզում են դեպքի հանգամանքները։