Ռիգա-Բաքու չվերթն իրականացնող ինքնաթիռը վերադարձել է օդանավակայան՝ շարժիչի հետ խնդիրների պատճառով

10:56 • 06.08.18

Ռիգա-Բաքու չվերթն իրականացնող AirBaltic ավիաընկերության ինքնաթիռը վերադարձել է օդանավակայան՝ շարժիչի հետ կապված խնդիրների պատճառով, հայտնում է minval.az-ը:

Ինչպես հայտնել են Ռիգա-Բաքու չվերթի ուղևորները, ինքնաթիռը դուրս է եկել Լատվիայի մայրաքաղաքից Բաքվի ժամանակով ժամը 23:15-ին, սակայն 300-400 կիլոմետր անցնելուց հետո վերադարձել է Ռիգայի միջազգային օդանավակայան:

Այդ փաստը հաստատել են Ռիգայի միջազգային օդանավակայանում:

Տեղեկությունների համաձայն՝ ինքնաթիռը վերադարձել է օդանավակայան շարժիչի հետ կապված խնդիրների պատճառով: