Մեքսիկայում խոշոր վթար է տեղի ունեցել. կա 7 զոհ

03:15 • 14.08.18

Մեքսիկայի Տամաուլիպա նահանգում խոշոր ճանապարհատրանսպորտային պատահար է տեղի ունեցել, ինչի հետևանքով կա 7 զոհ և 4 վիրավոր: Այս մասին հաղորդում է Excelsior պորտալը:

Երկու մարդատար մեքենայի և կցասայլի բախումը տեղի է ունեցել Սյուդադ-Վիկտորիա և Տամպիկո քաղաքների միջև: Նշվում է, որ զոհվածները եղել են նույն մեքենայում. նրանք վերադառնում էին Ալտամիրա համայնքում անցկացված տոնակատարությունից:

Տվյալների համաձայն՝ զոհվածների թվում կա 1-ամյա երեխա և 15-ամյա աղջիկ:

Հաղորդվում է, որ դեպքի վայր ժամանած ոստիկաններն ու բուժաշխատողները դուրս են բերել տուժածներին մյուս մեքենայից և տեղափոխել հիվանդանոց: