Քաբուլում ահաբեկչական պայթյունի հետևանքով 48 մարդ է զոհվել

20:53 • 15.08.18

Աֆղանստանի մայրաքաղաք Քաբուլում ահաբեկչական պայթյուն է տեղի ունեցել, մահացել է առնվազն 48 մարդ, կա 67 տուժած, այս մասին հաղորդում է korrespondent.net-ը։

Հայտնի է, որ միջադեպը տեղի է ունեցել քաղաքի արևմուտքում, մահապարտ ահաբեկիչը ներխուժել է ուսումնական հաստատության շենք Դաշտ Է Բարչի շրջանում և գործի դրել պայթուցիկը։ Գրեթե բոլոր զոհվածներն ուսանողներ են։

Ականատեսների պնդմամբ՝ պայթյունի պահին շենքում գտնվել է ավելի քան 100 մարդ։

Աֆղանստանի նախագահ Աշրաֆ Գանին դատապարտել է տեղի ունեցածն ու հրահանգել հետաքննություն սկսել։