ԱՄՆ-ի Նյու Հեյվեն քաղաքում թմրանյութերի գերդոզավորումից շուրջ 50 մարդ է տուժել
ԱՄՆ-ի Կոնեկտիկուտ նահանգի Նյու Հեյվեն քաղաքի այգիներից մեկում թմրանյութերի գերդոզավորման ախտանշաններով շուրջ 50 մարդ է հայտնաբերվել: Այս մասին հաղորդում է Fox News հեռուստաալիքը:
Նշվում է, որ գերդոզավորումից տուժել է առնվազն 47 մարդ: Նախնական տվյալներով՝ տուժածներն օգտագործել են սինթետիկ մարիխուանա՝ ավելացնելով դրան նաև այլ նյութեր:
Տուժածներից 42-ը հոսպիտալացվել են գերդոզավորման ախտանշաններով (փսխում, հալյուցինացիաներ, զարկերակային ցածր ճնշում, անգիտակից վիճակ): Եվս հինգ տուժած անհրաժեշտ բժշկական օգնությունը ստացել են տեղում:
Ներկա պահի դրությամբ զոհերի մասին տեղեկություններ չեն հաղորդվել, սակայն նշվում է, որ տուժածներից երկուսի կյանքին դեռ վտանգ է սպառնում:










