Մահացել է ՄԱԿ-ի նախկին գլխավոր քարտուղար Քոֆի Անանը

14:03 • 18.08.18

Կարճատև հիվանդությունից հետո, 80 տարեկանում մահացել է ՄԱԿ-ի նախկին գլխավոր քարտուղար Քոֆի Անանը։ Այդ մասին հայտնում է The Guardian-ը՝ վկայակոչելով նրա ընտանիքի և հիմնադրամի հայտարարությունը։


Գանացի դիվանագետը զբաղեցրել է ՄԱԿ-ի յոթերորդ գլխավոր քարտուղարի պաշտոնը 1997-ից 2006 թվականներին։ Նա Խաղաղության նոբելյան մրցանակի է արժանացել իր մարդասիրական գործունեության համար։


Քոֆի Անանը ծնվել է Գանայի Կումասի քաղաքում 1938 թվականի ապրիլի 8-ին, ուներ երեք երեխա։