Վենեսուելայում ուժեղ երկրաշարժի հետևանքով 200 մետրանոց երկնաքերը թեքվել է (տեսանյութեր)
Վենեսուելայի ներքին գործերի նախարար Նեստոր Ռևերոլը տեղեկացրել է, որ մայրաքաղաք Կարակասում գտնվող 200 մ բարձրությամբ կիսակառույց երկնաքերը 25%-ով թեքվել է օգոստոսի 21-ին տեղի ունեցած հզոր երկրաշարժի հետևանքով:
Իշխանությունների փոխանցմամբ՝ «Դավթի աշտարակը» հին կառույց է ու կարող է փլուզվել ցանկացած ցնցումից, գրում է ria.ru-ն:
Հայտնի է, որ երեկվա երկրաշարժն ունեցել է 7.3 մագնիտուդ ուժգնություն: Մինչդեռ օջախը գտնվել է 113 կմ խորության վրա:
Ստորգետնյա ցնցումները զգացվել են երկրի տարբեր հատվածներում, այդ թվում՝ Կարակասում: Ականատեսների հրապարակած տեսանյութերում երևում է, որ ցնցումները շարունակվել են մի քանի տասնյակ վայրկյան, և այդ ընթացքում ցնցվել են տները, շենքերն ու ավտոմեքենաները:
Երկրաշարժի հետևանքով տների ու շենքերի պատերին հսկայական ճաքեր են առաջացել, իսկ որոշ հատվածներ անգամ փլուզվել են:
La Torre David de #Caracas #Venezuela se inclinó luego de terremoto de 7.7#TeamMAO pic.twitter.com/b2ypAScSH2
— Mov. Anonymous Osama (@anonosamavzla) August 22, 2018
TERREMOTO EN VENEZUELA | Así se sintió el fuerte temblor en Maturin, Edo. Monagas, Venezuela. Muchos salieron corriendo aterrorizados para la calle. pic.twitter.com/4PpgPMIh3J
— Yusnaby Pérez (@Yusnaby) August 21, 2018










