Մոսկվայի կենտրոնում անհայտ անձը հարձակվել է ոստիկանների վրա. կան վիրավորներ

23:19 • 23.08.18

Անհայտ անձը Մոսկվայի կենտրոնում հարձակվել է ոստիկանության աշխատակիցների վրա, մեկ ոստիկան վիրավորվել է: ТАСС գործակալության փոխանցմամբ՝ այս մասին ասվում է ՌԴ ՆԳՆ Մոսկվայի վարչության մամլո հաղորդագրության մեջ:

Ինչպես նշվում է, անհայտ անձը զենքի չպարզված տեսակից կրակ է բացել Ռուսաստանի ՆԳՆ մոսկովյան գլխավոր վարչության դիվանագիտական ներկայացուցչությունների պաշտպանության գնդի երկու ոստիկանի ուղղությամբ: Նրանցից մեկը վիրավորվել է:

Ոստիկանության աշխատակիցները պատասխան կրակ են բացել ծառայողական զենքից, որի արդյունքում հարձակում իրականացնողը վիրավորվել է:

Տուժած ոստիկանին անհրաժեշտ բուժօգնություն են ցույց տալիս: Դեպքի վայրում աշխատում է քննչական օպերատիվ խումբը: