Time ամսագրի շապիկին հայտնվել է խորտակվող Թրամփը (լուսանկարներ)
Ամերիկյան Time ամսագրի նոր համարի շապիկին կրկին հայտնվել է երկրի նախագահ Դոնալդ Թրամփը՝ այս անգամ օվալաձև աշխատասենյակում «խորտակվելիս»:
Ինչպես նշում է Daily Mail-ը, սա նախկինում Թրամփի մասնակցությամբ ներկայացված 2 շապիկների թեմատիկ շարքի շարունակությունն է:
Այս շարքի առաջին շապիկը, որում հանրապետական գործիչը նստած է օվալաձև աշխատասենյակում, իսկ նրա գլխավերևում սև ամպեր են կուտակվում, ներկայացվել էր Թրամփի ընտրվելուց մեկ ամիս անց:

Երկրորդ շապիկը, որում Թրամփը կրկին նույն տեղում է նստած, սակայն՝ արդեն կիսով չափ ջրի մեջ, ներկայացվել էր ապրիլին:

Շարքի երրորդ շապիկին պատկերված են ԱՄՆ նախագահի՝ ջրի մեջ հայտնված ոտքերն ու ջրի տակ անցած նախագահական աշխատասենյակը:
Աղբյուրը նշում է, որ տվյալ նկարազարդումները վերաբերում են Թրամփի շուրջ ծագած սկանդալներին:











