Հնդկաստանում ավտովթարի հետևանքով 11 ուխտավոր է զոհվել
Հնդկաստանի հարավային Թամիլնադ նահանգի Պուդուկկոտայ շրջանում ավտովթարի հետևանքով 11 ուխտավոր է զոհվել, գրում է India Today-ը:
Թերթի տվյալների համաձայն՝ ուխտավորները վերադառնալիս են եղել Սաբարիմալա քաղաքում գտնվող Աիյապպան աստծո տաճարից, որը երկրում ամենահայտնի ուխտավայրերից է: Վթարի պատճառը մեքենայի՝ բեռնատարի հետ բախումն է եղել:
Հաղորդվում է, որ 7 մարդ մահացել է տեղում, ևս 4-ը՝ հիվանդանոցում: Զոհվածների ինքնությունը հաստատված չէ, սակայն նշվում է, որ բոլորը Անդհրա-Պրադեշ նահանգից են:










