ԱՄՆ-ում 11 տարի մահվան դատավճռի ի կատար ածմանը սպասած բանտարկյալն ինքնասպան է եղել

21:51 • 06.01.19

ԱՄՆ-ի Նևադա նահանգում մահվան դատապարտված Սքոթ Դոզիերին բանտախցում մահացած են գտել, հաղորդում է Louis Post-Dispatch-ը:

Ոստիկանությունը ենթադրում է, որ դատապարտյալն ինքնասպանություն է գործել: Նա ինքը բանտի կյանքը «ընդամենը խղճուկ գոյություն» էր անվանել:

Դոզիերը բանտարկության էր դատապարտվել 2002թ.-ին Լաս Վեգասում կատարած սպանության համար: Ավելի ուշ ապացույցներ էին հայտնաբերվել նրա կողմից կատարված ևս մեկ սպանության վերաբերյալ, ինչը պատժի խստացման էր հանգեցրել:

2007թ.-ին Դոզիերին մահվան են դատապարտել, սակայն համապատասխան նյութի բացակայության պատճառով մահապատիժը հետաձգվել է: Ավելի ուշ նահանգում մահապատիժների համար ներարկման նոր նյութ է հաստատվել, սակայն փաստաբանները բողոքել են, թե այն կարող է տառապանք պատճառել դատապարտյալին՝ հասնելով պահապատժի հերթական հետաձգմանը: