ԱՄՆ-ի մեծ դեսանտային նավը Սև ծով է մտել

11:11 • 07.01.19

Միացյալ Նահանգների ռազմածովային ուժերին պատկանող Fort McHenry մեծ դեսանտային նավը մտել է Սև ծով: Համապատասխան տեղեկությունը կից լուսանկարով հայտնվել է ռազմածովային ուժերի թվիթերյան էջում:

Նշվել է, որ 2018թ. նոյեմբերին Ռուսաստանի կողմից  ուկրաինական նավերի կալանքից հետո, սա Սև ծով մտնող առաջին ամերիկյան նավն է:

«USS Fort McHenry-ի մուտքը Սև ծով հաստատում է մեր հավաքական հանձնառությունն անվտանգության ապահովմանն ու ՆԱՏՕ-ի շրջանակում, ինչպես նաև տարածաշրջանային դաշնակիցների հետ հարաբերությունների ամրապնդմանը»,- նշել է ծովակալ Լայզա Ֆրանկետին: