ՃՈ տարածքային հաշվառման-քննական ստորաբաժանումների համար սահմանվել է աշխատանքային ռեժիմ

16:36 • 09.01.19

Տրանսպորտային միջոցների նկատմամբ սեփականության իրավունքի պետական գրանցման, հաշվառման, գրավի ու լիզինգի պայմանագրով վարձակալության իրավունքների գրանցման, վարորդական վկայականների հատկացման հետ կապված քաղաքացիներին մատուցվող ծառայությունները պատշաճ կազմակերպելու նպատակով 2019 թվականի հունվարի 9-ից ՀՀ ոստիկանության պետի հրամանով Ճանապարհային ոստիկանության տարածքային հաշվառման-քննական ստորաբաժանումների համար սահմանվել է հետևյալ աշխատանքային ռեժիմը՝

1. Երկուշաբթիից ուրբաթ օրը ներառյալ՝ քաղաքացիների մուտքը՝ ժամը 09.00-17.00, տրանսպորտային միջոցի զննության կայանում՝ ժամը 09.00-16.30

2. Շաբաթ օրը՝ քաղաքացիների մուտքը՝ ժամը 09.00-14.00, տրանսպորտային միջոցի զննության կայանում՝ ժամը 09.00-13.00

3. Ստորաբաժանման համար ընդմիջման ժամ չի սահմանվում:

Այս մասին հայտնում են Ճանապարհային ոստիկանությունից: