Կյանքի 89-րդ տարում մահացել է ԽՍՀՄ Գերագույն խորհրդի վերջին նախագահ Անատոլի Լուկյանովը

22:21 • 09.01.19

Ռուսաստանում կյանքի 89-րդ տարում մահացել է ԽՍՀՄ Գերագույն խորհրդի վերջին նախագահ, Ռուսաստանի Դաշնության Պետդումայի նախկին պատգամավոր Անատոլի Լուկյանովը:

Նրա մահվան լուրը հայտնել է ՌԴ Սմոլենսկի մարզի ղեկավար Ալեքսեյ Օստրովսկին Twitter-ի իր պաշտոնական էջում:

«Շատ տխուր լուր է եկել, այսօր կյանքից հեռացել է ԽՍՀՄ ԳԽ-ի վերջին նախագահ Ա. Լուկյանովը», - գրել է Օստրովսկին:

Նրա խոսքով՝ Լուկյանովը «Սմոլենսկի հայտնի բնակիչ ու հրաշալի մարդ էր»:

Նշենք, որ ԽՍՀՄ նախկին պաշտոնյայի մահվան պատճառի մասին մանրամասներ չեն փոխանցվել: