Փարիզի կենտրոնում հզոր պայթյուն է որոտացել (լուսանկարներ)
Հունվարի 12-ի առավոտյան Փարիզի կենտրոնական հատվածում հզոր պայթյուն է որոտացել: Տեղեկությունը հաստատել է ոստիկանությունը:
Ինչպես նշում է rt.com-ը, զոհերի կամ տուժածների մասին տեղեկություն դեռևս չկա:
Պայթյունը տեղի է ունեցել Թրևիս փողոցում (La rue de Trévise), որտեղ, ականատեսների ու լրագրողների հրապարակած լուսանկարների համաձայն, հրդեհ է բռնկվել, քաոսային իրավիճակ է սկսվել:
Դեպքի վայր են ժամանել ոստիկանները, որոնք մարդկանց խորհուրդ են տվել խուսափել տվյալ տարածքում գտնվելուց:
Մինչդեռ bfmtv.com կայքը մանրամասնում է, որ հզոր պայթյունի պատճառ կարող էր լինել գազի արտահոսքը:













