Հրազդանի քաղաքապետը որոշել է արգելել համայնքում գործող գիշերային ակումբների հետագա գործունեությունը

17:36 • 13.01.19

Հրազդանի քաղաքապետ Սևակ Միքայելյանը որոշել է արգելել համայնքում գործող գիշերային ակումբների հետագա գործունեությունը:

Այս մասին նա գրել է իր ֆեյսբուքյան էջում:

«Հաշվի առնելով քաղաքացիների շահը, որպեսզի չխաթարվի բնակիչների գիշերային անդորրը՝ որոշում եմ կայացրել այլևս չթույլատրել Հրազդան համայնքում գործող գիշերային ակումբների հետագա գործունեությունը:

Հարգելի համաքաղաքացիներ, ինձ համար առաջնային տեղում Ձեզ պատճառվելիք անհարմարություններից և բազմաթիվ խնդիրներից զերծ պահելն է»,-գրել է Միքայելյանը: