Եղանակն՝ այսօր
«Ռոսկոսմոս»-ի ղեկավար Ռոգոզինը Թուրքիային առաջարկել է միասին շահագործել «Բայկոնուր» տիեզերակայանը
Ռուսաստանի «Ռոսկոսմոս» տիեզերական գործունեության պետական կորպորացիայի ղեկավար Դմիտրիյ Ռոգոզինը Թուրքիային առաջարկել է Ռուսաստանի և Ղազախստանի հետ համատեղ «Բայկոնուր» տիեզերակայանի շահագործման նախագծի մասնակիցը դառնալ, գրում է РИА Новости-ն:
««Ռոսկոսմոս»-ը պատրաստ է տրամադրել իր հրթիռները, որպեսզի Թուրքիան կարողանա դուրս բերել իր տիեզերական սարքավորումները, ընդ որում՝ պարտադիր չէ և նույնիսկ պետք էլ չէ դա անել թուրքական տարածքից: Դրա փոխարեն մենք կարող էինք նախագիծը դարձնել եռակողմ և օգտվել «Բայկոնուր»-ի բացառիկ ենթակառուցվածքից»,- ասել է Ռոգոզինը թուրքական «Անադոլու» գործակալությանը տված հարցազրույցի ժամանակ:
Ռոգոզինի խոսքով` նշված նախագծում Թուրքիան կարող էր հանդես գալ որպես արձակումների կազմակերպիչ երկիր, Ռուսաստանը` որպես տեխնոլոգիաների տրամադրմանն աջակցող երկիր, իսկ Ղազախստանը` որպես իր եզակի տիեզերակայանը տրամադրող երկիր:
Studio One