«Աստված սեր է»․ Թրամփը շրջել է Սպիտակ տան շրջակայքում, Աստվածաշունչը ձեռքին լուսանկարվել նախօրեին հրդեհից տուժած եկեղեցու մոտ (լուսանկարներ, տեսանյութ)

11:35 • 02.06.20

ԱՄՆ նախագահ Դոնալդ Թրամփը շրջել է Սպիտակ տան շրջակայքում, դիտել Վաշինգտոնի կենտրոնում տեղի ունեցած անկարգությունների հետևանքով հրդեհներից տուժած շենքերը, գրում է The Guardian-ը։

Երկրում աֆրոամերիկացի Ջորջ Ֆլոյդի մահից հետո սկսված անկարգությունների դեմ պայքարի մասին Սպիտակ տան Վարդագույն պարտեզում ելույթ ունենալուց հետո պետության ղեկավարը թիկնապահների և լրագրողների ուղեկցությամբ դուրս է եկել Լաֆայեթի պուրակ:

Հայտնի է, որ Թրամփի՝ պուրակ դուրս գալուց մեկ ժամ առաջ ստիկանությունը լուսաձայնային նռնակների և արցունքաբեր գազի օգնությամբ ցրել է այնտեղ հավաքված ցուցարարներին։

Նախագահը շրջել է պուրակով և կանգ առել Սուրբ Հովհաննեսի եկեղեցու մոտ։ 19-րդ դարասկզբի շինությունը պատմական տեսարժան վայր է և նախօրեին խիստ տուժել է հրդեհի հետևանքով։

Աջ ձեռքին պահելով Աստվածաշունչը՝ Թրամփը մոտեցել է շենքին, բարձրացրել այն` ասելով․ «Աստված սեր է»։

Թրամփը, որին ուղեկցել է նաև ավագ դուստրը՝ Իվանկա Թրամփը և նրա ամուսինը՝ Ջարեդ Քուշները, դիրքավորվել է եկեղեցու առջև՝ Աստվածաշունչը ձեռքին լուսանկարվելու, ինչի ժամանակ լրագրողներին ասել է, որ ԱՄՆ-ն «աշխարհի մեծագույն երկիրն է և այդպես էլ կմնա»։

Հիշեցնենք, որ զանգվածային բողոքի ցույցեր են սկսվել օրերս սոցցանցերում տարածված 10 րոպե տևողությամբ մի տեսանյութի հրապարակումից հետո, որում ոստիկանը Ջորջ Ֆլոյդ անունով սևամորթ իրավախախտին պառկեցրել է գետնին ու ծնկով սեղմում է նրա վիզը։ Անտեսելով տղամարդու աղաչանքներն ու շնչել չկարողանալու մասին խոսքերը՝ ոստիկանը հրաժարվում է նրան բաց թողնել, դրա հետևանքով Ֆլոյդը մահանում է։

Այս պատահարից զայրացած ցուցարարներն այժմ պահանջում են խստագույնս պատասխանատվության ենթարկել մարդասպան ոստիկանին և նրա հետ եղած մյուս երեք սպային, որոնք տեղում ոչինչ չեն ձեռնարկել տղամարդու կյանքը փրկելու համար։

Ավելի վաղ ԱՄՆ նախագահ Դոնալդ Թրամփը «ներքին ահաբեկչություն» էր որակել ԱՄՆ-ում ոստիկանի կողմից սևամորթ Ջորջ Ֆլոյդի սպանությունից հետո սկսված զանգվածային բողոքի ցույցերը։

I am outraged': Bishop overseeing church responds to Trump photo ...Bishop of Washington Diocese "outraged" by Trump photo-op and says ...Mariann Edgar Budde slams Trump church visit during DC protestEpiscopal bishop of DC 'outraged' after Trump hosted a photo-op ...Bishop 'outraged' after police use tear gas to clear protesters ...