Սահմանադրությունը մշտապես դիտարկում ենք քաղաքացիների պաշտպանության օղակ, սակայն սահմանադրական կարգը նույնպես ունի պաշտպանության կարիք՝ քրեաիրավական մեխանիզմներով. Ռոբերտ Հայրապետյան (տեսանյութ)
Տպավորություն կա, որ Սահմանադրությունը մշտապես դիտարկում ենք քաղաքացիների պաշտպանության օղակ, բայց փաստն այն է, որ սահմանադրական կարգը նույնպես ունի պաշտպանության կարիք՝ քրեաիրավական մեխանիզմներով:
Այս մասին «Իրավական ուղի» ՀԿ-ի կազմակերպած «ՀՀ Սահմանադրություն․ կարմիր և կանաչ գծեր» խորագրով խորհրդաժողովին հայտարարեց իրավունքի մագիստրոս Ռոբերտ Հայրապետյանը:
Աադրադառնալով սահմանադրական կարգի տապալման և իշխանության յուրացման հոդվածներին, որոնց վերաբերյալ Վենետիկի հանձնաժողովն ու ՄԻԵԴ-ը տվել են ճշգիրտ դիրքորոշումներ, Հայրապետյանն ասաց.
«ՄՙԻԵԴ-ը ՍԴ-ի դիմումի հիման վրա տված իր խորհրդատվական կարծիքում անդրադառնալով 300.1 հոդվածին, հստակորեն նշել է, որ Սահմանադրությանը հղում տալով՝ Քրեական օրենսգիրքը պետք է ապահովի այնպիսի մեխանիզմներ, որ հնարավորություն տրվի որոշակիություն ապահովել այդ գործողության կատարման վերաբերյալ, որի արդյունքում էլ անձը կարող է կանխատեսել իր վարքագիծը կամ այդ վարքագծի արդյունքում վրա հասնելիք պատասխանատվությունը»,-ասաց նա:
Ինչ վերաբերում է իշխանության յուրացմանը՝ հատկապես Սահմանադրությամբ չնախատեսված եղանակով, ապա ըստ Հայրապետյանի՝ այդ գործողությունները վերջին ժամանակներում ամենաարդիական գործողություններն են:
«Դրանց համադրումը Քրեական օրնեսգրքի այդ հոդվածի հանցակազմի հատկանիշներին ամբողջությամբ օկուպացնում են ավելի լայն հորիզոններ այդ հոդվածի մեկնաբանության և այն արարքների որակման համար, որոնք ենթադրում են Քր. օրենսգրքի համապատասխան նորմի առկայություն կամ համապատասխան նորմով արարքի որակում»,-ասաց նա:
Հայրապետյանի դիտարկմամբ՝ ՍԴ դիմումի հիման վրա Վենետիկի հանձնաժողովի խորհրդատվական կարծիքը տարընկալումների և որոշ դեպքերում իրավական և քաղաքական որոշ շրջանակների կողմից շահարկումների տեղիք է տալիս:
Մանրամասները՝ տեսանյութում։










