Ավստրալիայում 6.6 մլն բնակիչ մեկուսացման մեջ կհայտնվի՝ կորոնավիրուսի բռնկման վատթարացման պատճառով

21:18 • 06.07.20

Ավստրալիայի իշխանությունները որոշում են կայացրել մեկուսացնել Վիկտորիա նահանգը: Այս մասին հայտնում է CNN-ը՝ հղում անելով նահանգի վարչապետ Դենիել Էնդրյուսին:

Նման որոշում իշխանությունները կայացրել են Մելբուռնում կորոնավիրուսով հիվանդացության բռնկումների պատճառով: Նշվում է, որ մեկուսացման մեջ է հայտնվելու 6.6 մլն բնակիչ:

Բացի այդ, որոշում է կայացվել փակել սահմանն ամենախիտ բնակեցված նահանգների՝ Վիկտորիայի և Նոր Հարավային Ուելսի միջև: Սահմանում վերահսկողություն են իրականացնելու զինծառայողներն ու ոստիկանության աշխատակիցները: