Ռուսաստանում տեսախցիկը ֆիքսել է՝ ինչպես է մարզումների ժամանակ կայծակը հարվածում ֆուտբոլիստին (տեսանյութ)

15:41 • 06.07.20

Ռուսական «Աշխատանքի դրոշ» ֆուտբոլային ակումբի մարզումների ընթացքում թիմի 16-ամյա անդամներից մեկին հարվածել է կայծակը․ արտասովոր այս երևութի տեսանյութը հրապարակվել է Baza թելեգրամյան ալիքում։

Հրապարակված կադրերում երևում է, որ ֆուտբոլիստը պատրաստվում է գնդակը դարպասն ուղարկել, երբ կայծակը հանկարծակի հարվածում է նրան։ Հայտնի է, որ պատանուն առաջին օգնություն է ցուցաբերել մարզիչը, այնուհետև նրան հոսպիտալացրել են և վերակենդանացման բաժանմունք տեղափոխել։

«Տղան փրկվել է, սակայն խիստ տուժել է և այժմ վերակենդանացման բաժանմունքում է, վիճակը գնահատվում է ծանր։ Նա արհեստական կոմայի մեջ է»,- ասվում է հաղորդագրությունում։

Ֆուտբոլային ակումբի գլխավոր տնօրեն Իգոր Մայորովի խոսքով՝ թիմի մարզումների ընթացքում ամպրոպ չի եղել։