Չկա որևէ ապացույց Հ․Թովմասյանի լիազորությունները չարաշահելու վերաբերյալ․ սա դասագրքային օրինակ է, թե ինչպես է վերևից իջեցված կեղտոտ քաղաքական պատվերը դառնում մեղադրական եզրակացություն․ Ա․ Մակինյան

20:06 • 24.08.20

Հարգելի լրագրողներ,խնդրում եմ ձեռնպահ մնալ «Հրայր Թովմասյանի քրեական գործը» ձևակերպումն օգտագործելուց, քանի որ նման քրեական գործ պարզապես չկա։ Այս մասին գրառում է կատարել փաստաբան Ամրամ Մակինյանը։

«Նույնիսկ եթե մենք ընդունենք բոլոր ապացույցների արժանահատավությունը և թույլատրելիությունը, պնդում եմ՝ չկա որևէ սկզբնական կամ ածանցյալ, ուղղակի կամ անուղղակի ապացույց պարոն Թովմասյանի կողմից իր պաշտոնեական լիազորությունները չարաշահելու վերաբերյալ։

Սա դասագրքային օրինակ է, թե ինչպես է գործի քննության ընթացքում «ջախջախված քննչական վարկածը», իսկ իրականում վերևից իջեցված կեղտոտ քաղաքական պատվերը դառնում մեղադրական եզրակացություն և ապօրինի հանրաքվեից առաջ խայտառակությունից խուսափելու նպատակով ուղարկվում դատարան»։