ՀՀ կառավարությունը դեռևս չի կարողանում կամ չի ցանկանում լուծել Վրաստանի տարածքով ՀՀ քաղաքացիներին իրենց մեքենաներով հայրենիք վերադարձնելու խնդիրը․ Էդմոն Մարուքյան
Վերջապես կամ բանակցեք, կամ ասեք, որ չեք բանակցելու մարդիկ հույսով չսպասեն․ այս մասին իր ֆեյսբուքյան էջում գրառում է կատարել ԼՀԿ ղեկավար Էդմոն Մարուքյանը։
Նա մասնավորապես նշել է․
«Իմ ունեցած տեղեկությունների համաձայն՝ ՌԴ քաղաքացիություն ունեցող մոտ 60 մեր հայրենակիցների համար, ովքեր մեկնել էին Բագրատաշեն` ռուսական կառավարությունը, չունենալով դիվանագիտական հարաբերություններ Վրաստանի հետ, կարողացել է բանակցել և հասնել նրան, որ 2 ավտոբուսով իրենց քաղաքացիները Վրաստանի տարածքով մտեղափոխեն ՌԴ։
Մինչդեռ, ՀՀ կառավարությունը, ունենալով դիվանագիտական և եղբայրական հարաբերություններ Վրաստանի հետ` դեռևս չի կարողանում կամ չի ցանկանում բանակցությունների միջոցով լուծել Վրաստանի տարածքով ՀՀ քաղաքացիներին իրենց մեքենաներով հայրենիք վերադարձնելու խնդիրը» ։










