Ստեփանավանում տուն է հրդեհվել. դեպքի վայր է մեկնել ԱԻՆ ՓԾ 2 մարտական հաշվարկ և օպերատիվ խումբը
Օգոստոսի 24-ին, ժամը 11։37-ին Մարզային ճգնաժամային կառավարման կենտրոն ահազանգ է ստացվել, որ Ստեփանավան քաղաքի Աշոտաբերդ թաղամասում այրվում է տան տանիք։ Այս մասին հայտնում են ԱԻՆ-ից:
Դեպքի վայր է մեկնել ԱԻՆ ՓԾ Լոռու մարզային փրկարարական վարչության հրշեջ-փրկարարական ջոկատից երկու մարտական հաշվարկ և օպերատիվ խումբը:
Հրդեհը մեկուսացվել է ժամը 12։05-ին, մարվել՝ 12։45-ին: Այրվել են տան փայտյա առաստաղը (մոտ 15 քմ) և տանիքի կառուցատարրերը (մոտ 50 քմ)։










