Օգոստոսի 28-ին «Արմենիա» ավիաընկերությունը կիրականացնի Դոնի Ռոստով-Երևան չարտերային չվերթը

00:56 • 28.08.20

Օգոստոսի 28-ին, ժամը՝ 22։00-ին, Դոնի Ռոստովի «Պլատով» միջազգային օդանավակայանից տեղի կունենա «Armenia» ավիաընկերության Դոնի Ռոստով-Երևան չարտերային չվերթը, տեղեկանում ենք հյուպատոսության ֆեյսբուքյան էջից:

«Չվերթի տոմսերը հնարավոր է ձեռք բերել «Атлас Юг» ՍՊԸ ընկերության տոմսարկղերից։

Հեռախոս՝ 8/863/266-56-03, 8/863/266-54-58, արժեքը՝ 12․300 ռուբլի։

Ուղեբեռը՝ 23 կգ (մեկ կտոր), ձեռքի ուղեբեռը՝ 8 կգ (մեկ կտոր)։ Նշենք, որ մինչև երկու տարեկան երեխաների տոմսերն անվճար են (առանց ուղեբեռի)։

Օգոստոսի 13-ից նաև ՌԴ քաղաքացիները հնարավորություն ունեն մուտք գործել ՀՀ տարածք։

ՀՀ սահմանը հատող քաղաքացիները, պետք է անցնեն պարտադիր 14-օրյա ինքնամեկուսացման ռեժիմի՝ ըստ իրենց բնակության հասցեների, սակայն ՀՀ-ում ինքնամեկուսացման մեջ գտնվող անձը կարող է պատվիրել համապատասխան լաբորատորիաների մասնագետների այցի միջոցով կորոնավիրուսային հիվանդության (COVID-19) ախտորոշման ՊՇՌ հետազոտություն և բացասական պատասխանի դեպքում ժամկետից շուտ ազատվել պարտադիր 14-օրյա ինքնամեկուսացման ռեժիմից»։