Մեր նահատակված զինվորների մարմինները պահել են սառնարաններում, որ զոհերի մեծ թիվ չասեն. Նարեկ Մալյան (տեսանյութ)

14:29 • 25.11.20

«ՎԵՏՕ» շարժման ղեկավար Նարեկ Մալյանը ֆեյսբուքյան էջի ուղիղ եթերում ասաց, որ անհետ կորած, գերեվարված զինվորների հարազատների վիշտը կրկնապատկվում է, երբ  իշխանական ֆեյքերը հայհոյանքներ են գրում նրանց հրապարակային խոսքի վերաբերյալ, ինչը խայտառակություն է: «Սա բարոյական անկման ցուցիչն է, սա մեր հավաքական անբարոյականության ցուցիչն է»,-ասաց նա:



Նարեկ Մալյանը հայտարարեց, որ բոլոր ֆեյքերը ուղղորդվում և աշխատավարձ են ստանում իշխանական թիմից: «Ֆեյքերի ֆաբրիկաների բուծումն իրականացվում է այս իշխանության կողմից: Ամեն ինչ պարզած է, թե որ օլիգարխն է, իմքայլականն է դրանով զբաղվում,այլևս ակնհայտ փաստ է, որ պարտերազմի առաջին օրվանից բոլորիդ խաբել, ստել են անամոթաբար: Մեր նահատակված զինվորների մարմիները պահել են սառնարաններում, որ զոհերի մեծ թիվ չասեն, և հանրությունը չկասկածի»,-ասաց նա և նշեց, որ նույնիսկ այդ մարմինները դարձել են անճանաչելի:

Այս իշխանությունն իր իշխանական վայելքները երկարացնելու խնդիր է լուծում և որևէ ռեալ աշխատանք չի տարել գերիների վերադարձման համար: «Մեր գերիների ճակատագիրը Ադրբեջանն է որոշում, այս իշխանությանը որևէ պետություն լուրջ չի ընդունում»,-ասաց նա և նշեց, որ իշխանական ֆեյքերի մեծ մասը Ալեն Սիմոնյանի կողմից է կառավարվում: