Բեռլինում տղամարդը փորձել է մեքենայով վնասել դեպի Մերկելի գրասենյակ տանող դարպասները
Բեռլինում անհայտ անձը փորձել է մարդատար մեքենայով վնասել դեպի կանցլեր Անգելա Մերկելի գրասենյակ տանող դարպասները։
Ինչպես հաղորդում է EADaily-ն, միջադեպը տեղի է ունեցել այսօր՝ նոյեմբերի 25-ին։
Ականատեսների նկարահանած կադրերում երևում է, որ մեքենայի վրա եղել է «Ihr verdammten Kinder und alte Menschen-Mörder» («Դուք երեխաների ու ծերերի անիծյալ մարդասպան եք») գրությունը։
Հրապարակված լուսանկարներում երևում են կանցլերի գրասենյակի դարպասների մոտի վնասված երկաթյա արգելապատնեշները։
Ոստիկանությունում կարծում են, որ միջադեպը կապված է կարանտինային միջոցներին դեմ հանդիսացողներից մեկի քաղաքական ակցիայի հետ։ Մեքենայի ղեկին միջին տարիքի տղամարդ է եղել։










