Սարդինիայում հորդառատ անձևների պատճառով ջրհեղեղ է առաջացել. կան զոհեր

23:50 • 28.11.20

Իտալիայի Սարդինիա կղզում հորդառատ անձրևներով պայմանավորված ջրհեղեղի հետևանքով առնվազն 3 մարդ է մահացել:

Այս մասին հայտնում է BBC News-ը՝ ներկայացնելով սոցցանցերում հրապարակված տեսանյութը, որը պատկերվել է Նուորո նահանգի Բիտի քաղաքում, որի փողոցներում ցեխաջրերի «գետեր» են առաջացել:

Նշվում է, որ մահացածներից մեկը տարեց տղամարդ է, որը խեղդվել է իր իսկ տանը: Մեկ այլ տղամարդ մահացել է իր մեքենայում:  

Ուժեղ քամիներն ու հորդառատ անձրևները կղզու տարածքում մոլեգնում են ուրբաթ օրվանից՝ հոսանքազրկումների և տեղահանությունների պատճառ դառնալով: Նահանգի Գալտելի քաղաքի 150 բնակիչ տարհանվել է: