Ռուսական Սու-30 կործանիչը Սև ծովի երկնքում ամերիկյան և ֆրանսիական հետախուզական ինքնաթիռներ է «որսացել»

16:39 • 08.12.20

Ռուսաստանի պաշտպանության մոնիթորինգի ազգային կենտրոնը հայտնել է, որ ռուսական Սու-30 կործանիչը Սև ծովի օդային տարածքում ամերիկյան և ֆրանսիական հետախուզական ինքնաթիռներն է «որսացել» և նրանց ուղեկցել ռուսական սահմանից հեռու, գրում է AMN News-ը։

Կենտրոնի տվյալներով՝ դեկտեմբերի 7-ին ռուսական ռադարները Սև ծովի օդային տարածքում հայտնաբերել են ՌԴ-ի սահմաններին մոտեցող օդային թիրախներ։

Հաղորդագրության մեջ նշվում է, որ օդային թիրախները հայտնաբերելու և պետական սահմանների խախտումները կանխելու համար հարավային ռազմական շրջան է մեկնել Սու-30 կործանիչը, իսկ Ռուսական կործանիչի անձնակազմը հայտնաբերել է ԱՄՆ ռազմաօդային ուժերին և Ֆրանսիայի ռազմաօդային ուժերին պատկանող հետախուզական ինքնաթիռներ։

Ռուսաստանի պաշտպանության մոնիթորինգի ազգային կենտրոնն այլ մանրամասներ չի հրապարակել։

Ամերիկյան և ֆրանսիական ռազմաօդային ուժերը չեն մեկնաբանել հաղորդագրությունը։