Բրազիլիայում կորոնավիրուսով վարակումների թիվը գերազանցել է 6 միլիոն 600 հազարը. երկրում համավարակի պատճառով մահացել է ավելի քան 177 հազար մարդ. RT

02:23 • 08.12.20

Բրազիլիայում վերջին 1 օրում կորոնավիրուսային հիվանդությամբ վարակվածության ցուցանիշն աճել է 20 371-ով՝ հասնելով 6 623 911-ի:

Այս մասին հաղորդում է RT-ն՝ հղում տալով Բրազիլիայի առողջապահության նախարարության կայքին:

Համավարակի բռնկումից ի վեր Բրազիլիայում COVID-19-ի հետևանքների բարդացման հետևանքով մահացել է 177 317 մարդ: Միևնույն ժամանակ, հաղորդվում է, որ երկրում վիրուսից ապաքինվել է 5 801 067 մարդ:

Ավելի վաղ Առողջապահության համաշխարհային կազմակերպության գլխավոր տնօրեն Թեդրոս Ադհամոն Հեբրեյեսուսը հայտնել է, որ երկրագնդի բնակչության մեծ մասը դեռևս ենթակա է կորոնավիրուսով վարակման: