Լիբանանի վարչապետն ու նախագահը դատապարտել են Տրիպոլիում զանգվածային անկարգությունները (լուսանկարներ)

13:58 • 30.01.21

Լիբանանի վարչապետի ժամանակավոր պաշտոնակատարն ու  նախագահը դատապարտել են բռնությունները Տրիպոլի քաղաքում, որտեղ կորոնավիրուսային արգելափակումներից բարկացած ցուցարարները բախվել են անվտանգության ուժերի հետ և հրկիզել քաղաքապետարանի շենքը: Այս մասին հայտնում է Reuters լրատվական գործակալությունը:

«Հանցագործները, ովքեր այրել են քաղաքապետարանը և փորձել այրել դատարանը ներկայացնում են Տրիպոլիի նկատմամբ սև ատելությունը», - ասվում է վարչապետ Հասան Դիաբի հայտարարության մեջ, որը խոստացել է, որ քաղաքապետարանի շենքը հնարավորինս արագ կվերականգնվի: Իր հերթին, նախագահ Միշել Աունը նույնպես դատապարտել է անկարգությունները՝ ասելով. «Հիմա մարտահրավերն այս հանցագործներին պարտության մատնելն է` նրանց մեկ առ մեկ ձերբակալելով և դատական համակարգին հանձնելով»:

Clashes in impoverished Lebanese city as crisis deepens - Insider

Ինչպես ավելի վաղ տեղեկացրել էր tert.am-ը, չորեքշաբթի օրը Լիբանանի Տրիպոլի քաղաքում անվտանգության ուժերի և ցուցարարների միջև տեղի ունեցած բախումների ընթացքում զոհվել է մեկ և վիրավորվել 200 մարդ՝  սրելով երկրում առկա ճգնաժամը: 29-ամյա Օմար Թայբան, որը  հրազենային վիրավորում էր ստացել, դարձել է այս շաբաթվա սկզբին բռնկված ցույցերի առաջին զոհը: Ակցիայի մասնակիցները ինքնաշեն պայթուցիկներ ու քարեր են նետել անվտանգության ուժերի ուղղությամբ, որոնք էլ պատասխանել են արցուքաբեր գազով: Անվտանգության ուժերն իրենց թվիթերյան հաշվում տեղեկացրել են 9 վիրավորի մասին:

Clashes over lockdowns, inequality escalate in Lebanon's Tripoli after  protester's death

Լիբանանի ամենաաղքատ շրջանում բողոքի ակցիաները սկսվել են տնտեսական վատ պայմանների պատճառով, որոնք առավելապես վատթարացել են Լիբանանի տնտեսական ճգնաժամի և համաճարակի հետևանքով սահմանված արգելափակումների հետևանքով:

«Մենք պահանջում ենք պետություն, մենք պահանջում ենք երկիր և պահանջում ենք բարելավել Տրիպոլիի սոցիալական և քաղաքական պայմանները», - ասել է Տրիպոլիի բնակիչ Ռաբիհ Մինան, ով մասնակցում է հակակառավարական ցույցերին:

Որոշ վերլուծաբաններ նախազգուշացրել են, որ անվտանգության ուժերը, որոնց աշխատավարձն արագորեն կորցնում է արժեքը, չեն կարող զսպել աճող անկարգությունները:

Միլիարդատեր գործարար և նախկին վարչապետ Նաժիբ Միքաթին, ով Տրիպոլիից է, ուրբաթ օրն ասել է, որ եթե բանակն ապացուցի, որ չի կարող վերահսկողությունն իր ձեռքը վերցնել, կարող է վտանգավոր իրավիճակ ստեղծվել:

Protester dies after clashes with army in Lebanon's Tripoli | Middle East  Eye

«Գուցե ես ստիպված լինեմ զենք կրել, որպեսզի պաշտպանեմ ինձ և իմ հաստատությունները », - տեղական լրատվամիջոցներին ասել է Միքաթին:

Լրատվական գործակալությունը հիշեցրել է, որ Լիբանանը գտնվում է ծանր տնտեսական ճգնաժամի պայմաններում իշխանությունները դեռևս քայլեր չեն ձեռնարկել, քանի որ օգոստոսի 4-ին Բեյրութի նավահաննգստում տեղի ունեցած պայթյունից հետո դեռևս չեն կարողանում կառավարություն կազմել: