Թունիսը գրանցել է «Սպուտնիկ V» ռուսական հակակորոնավիրուսային պատվաստանյութը
Թունիսը գրանցել է ռուսական «Սպուտնիկ V» հակակորոնավիրուսային պատվաստանյութը։ Այս մասին գրում է «ՌԻԱ Նովոստի»-ն՝ երկրի առողջապահության նախարարությանը հղումով։
««Սպուտնիկ V» պատվաստանյութը գրանցվել է մեկ տարի ժամկետով՝ Թունիսի շուկայում բաշխման արտակարգ ընթացակարգի շրջանակներում»,- ասված է գերատեսչության կողմից տարածված մամուլի հաղորդագրության մեջ:
Գրանցումը կատարվել է պատվաստանյութի կլինիկական փորձարկումների արդյունքների գնահատման հիման վրա:
Նշենք՝ Ալժիրից և Գվինեայից հետո սա Աֆրիկայի երրորդ երկիրն է, որը հակակորոնավիրուսային պատվաստանյութ է գրանցել։










